Lido сұйық стейкинг хаттамасы Curated Module v2 жаңартуын іске қосты. Бұл — хаттаманың екінші нұсқасы іске қосылғаннан бері платформа ядросындағы ең ауқымды жаңарту. Негізгі өзгеріс — 8 млн ETH ($16 млрд) астам қаражатты 0x02 жаңа форматындағы валидаторларға ауыстыру.
0x02 форматы бір түйінге ETH лимитін 32 монетадан 2048 монетаға дейін арттырады. Бұл желі экономикасын түбегейлі өзгертеді: Lido операторлары аз валидаторлармен әлдеқайда көп стейкинг қаражатына қызмет көрсете алады. Миграция аяқталғаннан кейін жаңа стандарт бойынша орналастырылған ETH үлесі ~32%-дан ~52%-ға дейін өседі. Ethereum-дағы валидаторлардың жалпы саны шамамен үштен бірге қысқарады, бұл блокчейнге жүктемені тікелей төмендетеді.
Операторлардың қаржылық жауапкершілігі
Осы уақытқа дейін платформадағы барлық стейкинг монеталарының шамамен 90%-ын қамтамасыз ететін Curated Module тек бедел моделінде жұмыс істеді. DAO кәсіби операторларды іріктеп, олардың адалдығына сүйенді. CMv2 бұған ақшалай кепілдік қосады. Операторлар кепіл ретінде өздерінің ETH-ін салуға міндетті. Бұл қаражат слэшинг, ұзақ тоқтап қалу немесе басқа бұзушылықтар кезінде алынуы мүмкін. Кепіл мөлшері Lido-ның ашық модульдеріне қарағанда аз, бірақ енді оператордың капиталы оның жұмыс сапасына тікелей кепілдік береді, стейкерлерге өлшенетін қорғаныс ұсынады. Бедел моделі жойылмайды, керісінше толықтырылады.
Операторларды санаттау және басқаруды орталықсыздандыру
Екінші маңызды жаңалық — операторларды әртүрлі ынталандырулары бар үш санатқа бөлу: Decentralization Operators (сирек кездесетін аймақтарда түйіндерді іске қосу), Extra Effort Operators (валидациядан тыс хаттамаға үлес қосу) және Public Good Operators (Ethereum клиенттерін әзірлеу). Соңғы санат 8710 stETH (~$21 млн) сыйақы алған жеті әзірлеуші командасын қолдауды ресмилендіреді.
Өзгерістердің үшінші блогы басқаруға қатысты. Оператор мекенжайын өзгерту сияқты күнделікті әкімшілік әрекеттер енді ончейн дауыс беруді қажет етпейді. Бұл міндеттер операторлардың өздеріне және Curated Module Committee профильді комитетіне берілді. DAO-ға стратегиялық мәселелер қалады: операторлар пулының құрамы, негізгі параметрлер және вето құқығы.
Жол картасы және басқа модульдер
Жаңа модульге көшу Ethereum-да валидаторларды іске қосу кезегіне байланысты (40 күннен астам) кемінде алты айға созылады. Әзірлеушілер осы уақыт ішінде алынбаған сыйақыларды шамамен 738,5 ETH деп бағалайды. Бұрынғы модуль резервтік нұсқа ретінде қалады және біртіндеп жабылады. CMv2 екінші кезеңінде команда стейкті икемді бөлуді, жеке комиссияларды және страйк жүйесін уәде етеді.
Сонымен қатар, соло-стейкерлерге арналған Community Staking Module (CSM) үшінші нұсқасы шықты. Негізгі өзгеріс — кілт үшін 1,5-тен 0,5 ETH-ке дейінгі кепілмен Identified DVT Cluster (IDVTC). Simple DVT модулі жабылады. Қоғамдық контурдағы 0x02 валидаторларына арналған жеке модульді 2026 жылдың төртінші тоқсанында іске қосу жоспарлануда. Стейкерлерге ешқандай әрекет қажет емес — барлық өзгерістер хаттама деңгейінде жүреді.
Сарапшы пікірі: Бұл жаңарту — жай техникалық жаңғырту емес, Lido қауіпсіздік моделіндегі түбегейлі өзгеріс. Операторлар үшін ақшалай кепілдік енгізу — орталықтандырылған стейкинг пулдарына қарсты негізгі сынға жауап. Егер CMv2 екінші кезеңі нарықтық комиссия моделімен сәтті жүзеге асырылса, біз капитал тиімділігінің айтарлықтай артуын және бүкіл Ethereum үшін жүйелік тәуекелдердің төмендеуін көреміз.